Los estudiantes manifiéstense por un feminismu "antifascista"

Concentraciones n'Uviéu y Xixón pol Día Internacional de la Muyer

Dellos centenares de persones, na so mayoría moces, participaron esti vienres n'Uviéu y en Xixón en dos protestes convocaes pol Sindicatu d'Estudiantes, Izquierda Revolucionaria y la plataforma Libres y Combativas pa reivindicar un feminismu "antifascista" nel Día Internacional de la Muyer.

Los manifestantes concentráronse a mediudía na Plaza de La Escandalera d'Uviéu y na Plaza del Antiguu Institutu Xovellanos detrás d'una pancarta cola lleenda "Feministes revolucionaries y antifascistes" y lleeron un comunicáu nel que criticaron el discursu negacionista de PP y Vox escontra les muyeres y el colectivu LGTBI.

"Tamos fartes de violencia sexual y xueces franquistes, fartes d'andar con mieu pela cai y de tanta impunidá y cansaes d'escuchar promeses del actual Gobiernu que nun se materialicen nun cambéu real", destacaron voceros de les asociaciones convocantes.